Ut is weer zowiet de vastelaovend steit wear veur de deur, vriedaag 11 november wuurt de vastelaovend van 2023 weer ingeschoote.

Vastelaovend vereinigingen de Duikelaer en de Wortelepin zien door de Worteleschrabbers oetgenûudigd um de vastelaovend in den Bookend te kômme inscheete.

 

Dees traditie is al jaore gaonde en beteikent nag altied ein groëte verbintenis met de vastelaovens vereinigingen aan de “gôje kant van de maas”. De trio’s en jeugdtrio’s van aafgelaupe jaor, saame met eur vorsten, bestuur en leeje zien oetgenûudigd um nao d’n Bookend te kômme. Weej nûudige den auk gaer alle vastelaoves leefhebbers oet Blierick, Holt-Blierick en d’n Bookend oet um auk nao de Boostenhaof te kômme, idderein is welkom. Op ut Boosterveldje achter de Boostenhaof, waere um 11 euver 8 de welbekinde elluf scheut gelôs

Aansloetend is in de zaal ein gezellig treffe met alle aanwezigen met spetterende optreejes van de 4 winnende artieste van de Bliërickse leedjes aovend 2022.

 

Ut programma zuut der as volgt oet:

 

            Beejeinkomst gezelschappen:            19:30 oor

            Inscheete:                                           20:11 oor

            Gezellig same zien:                            21:00 oor

 

De foto’s illustreren ut inscheete van 2015 in de Bookend.

 

Namens V.V. de Worteleschrabbers, toet 11 november