Zitting 2023

Beste Vastelaovesvierder,

Ein berichtje names de Worteleschrabbers!

Gaer wille weej óg attenderen en oetnuuëdige op eine naderende activiteit, de
gecombineerde dames/hieëre zitting op 9 december 2023.

De reeje veur dit bericht is det weej weite det geej echte vastelaoves vierders ziet, en gaer gezeene gasten ziet in ‘t Worteleschrabbersriek.

Weej hebbe weer ein TOP programma in elkaar gezat met 4 buuts en diverse optreejes waoronder zangeres Marleen Rutten. ‘t Verdere program is te vinden in beejgevoogde beejlage.

Mocht geej interesse hebbe, bin dan snel want VOL = VOL!

De koste veur ein keertje zien €15,- per persuun en te bestellen en aaf te rekene beej onderstaond contactpersoeën. Aafrekene kin cash of middels Tikkie, de keertjes zien gereserveerd als de betaling is voldaon. Op zondaag 12 november tösse 11.00 oor en 12.00 oor kinne de keertjes auk fysiek aafgehaold waere beej De Bekkerie in de Bookend.

Patrick Janssen – 06-43243735

Natuurlik meug geej ein kiëske of wet te knabbelen mei nemen, drank neet maar det sprik veur zich.

Haopende óg voldoende te hebbe geïnformeerd en tot 9 december beej de Zitting van de Worteleschrabbers. Names ‘t bestuur, V.V. de Worteleschrabbers

Inscheete vastelaovend 2024

Ut is weer zowiet de vastelaovend steit wear veur de deur, zaoterdaag 11 november wuurt de vastelaovend van 2024 weer ingeschoote. Vastelaovend vereinigingen de Worteleschrabbers en de Wortelepin zien door D’n Duikelaer de oetgenueëdigd um de vastelaovend te kómme inscheete.

Dees traditie is al jaore gaonde en beteikent nag altied ein groëte verbintenis met de vastelaovens vereinigingen aan de “gôje kant van de maas”. De trio’s en jeugdtrio’s van aafgelaupe jaor, saame met eur vorsten, bestuur en leeje zien oetgenûudigd um nao D’n Duiklaer op de Horsterwaeg te kômme. Weej nûudige den auk gaer alle vastelaoves leefhebbers oet Blierick, Holt-Blierick en d’n Bookend oet um auk nao D’n Duikelaer te kômme, idderein is welkom. Beej Kefee Bonjoere in Blierick, waere um 11 euver 8 de welbekinde elluf scheut gelôs

Aansloetend is in de zaal ein gezellig treffe met alle aanwezigen met spetterende optreejes van de 4 winnende artieste van de Bliërickse leedjes aovend 2023 en mier!

Ut programma zuut der as volgt oet:

Beejeinkomst gezelschappen: 19:30 oor

Inscheete: 20:11 oor

Gezellig same zien: 21:00 oor

De foto’s illustreren ut inscheete van 2015 in de Bookend.

Namens V.V. de Worteleschrabbers, tot 11 november!

Bedankwäördje Prins Kay I

Gooijendaag Worteleschrabbers en Schrabberinkes,

Wat eine top Vastelaovend hebbe weej meuge mei make! Van de veurbereidinge tot de vergaderinge, ut sliepe van de medalies, wie gaon we oetkomme en ut bestelle van alles wat we gaer woeije hebbe um deze Vastelaovend top te make.

20 januari waas ut intelik zoewiet. Met z’n dreeje ontzettend vuuël zenuwe in ut busje naor de Boos en dan steise daadwerkelijk veur die deur naor de zaal. Femilie stond al binne > motorhelme op > meziek aan > spot aan en gaon. Moei moment waas det! En wat eine super aovend met Greun Graas en Joekskepel d’n Heiten Haspel! En netuurlijk intelik die veere op de kop waor ut oetintelijk auk allemaol um dreijt J.

Nao dae aovend hebbe weej nog hiel vuuël moeie wiekende en momente meuge meimake same en det hebbe weej gelukkig same met os vruiwkes en kinder meuge doon. Die ware zoeë good als euveral beej en det mak de vastelaovend nog moeier.

Van de 3kes boét, tot ut oetkomme van ut jeugd trio, de recepties, waorvan os eige receptie netuurlik de beste waar. Erg leuk det hiel vuuël minse gekomme zien en eur bes gedaon hebbe um iets inein te dreije veur os! Ik dink det we nog 3 jaor veuroet kinne met ut speciaal beer J.

De optochte ware auk weer prachtig en gelökkig met moeij weer. Op unne moeije wage hebbe weej d’r in idder geval ein fiësje van gemak. Veural op de zondaag in de Bliërickse optoch hebbe we ut bond gemak J. En dan netuurlik de groeëte Bookendse optoch waorse gewoën stil kins gaon staon um ein shotje te drinke met ut publiek langs de kant. En dit jaor maar leefs verdubbelt waas in aantal nummers die mei deeje!

2023 waar ein prachtig jaor veur os det we noëits zölle vergaete. Ik haop det geej ut net zoeë leuk heb gevonde als weej. Bedank det geej d’r beej waas! Volgend jaor gaon we waer ein niej fiësje bouwe.

De groete names Tim, Dennis en Kay!